ಕನ್ನಡ ಕಾಲ
(ಯಾರು ಯಾರು ನೀ ಯಾರು - ಚಲನಚಿತ್ರ ಗೀತೆ ಧಾಟಿ)
ಯಾರು ಯಾರು ನೀ ಯಾರು?
ಎಲ್ಲಿಂದ ಬಂದೆ ಯಾವೂರು?||2|
ಇದು ವರ್ತಮಾನ ನೀ ಯಾರು ಹೇಳು?||2||
ನಿನ್ ರೂಪ ನನಗೆ ತೋರು ||ಯಾರು||
ಭೂತಕಾಲ ನಾನಯ್ಯ
ಕಳೆದು ಹೋದ ಕಾಲವಯ್ಯ ||2|
ಯಾವ ಭೂತವೋ? ಯಾವ ಕಾಲವೋ||2||
ರೂಪವಿಲ್ಲದಾ ಪಿಶಾಚಿಯೋ?
ಅಯ್ಯೋ! ಧಾತು ಮೇಲೆ 'ದ' ಸೇರ್ಸು
ನನ್ನ ರೂಪ ನೋಡು ||ಯಾರು||
ಯಾರು ಯಾರು ನೀ ಯಾರು?
ಭೂತವಲ್ಲ ನೀ ಯಾರು?||2|
ಇದು ವರ್ತಮಾನ ನೀ ಯಾರು ಹೇಳು||2||
ನಿನ್ ರೂಪ ನನಗೆ ತೋರು !||ಯಾರು||
ಭವಿಷ್ಯ ಕಾಲ ನಾನಯ್ಯ
ಮುಂದಾಗೋ ಕ್ರಿಯೆ ಹೇಳುವೆನಯ್ಯಾ!||2|
ಯಾವ ಭವಿಷ್ಯವೋ? ಯಾವ ಕಾಲವೋ! ||2||
ರೂಪವಿಲ್ಲದಾ ದೇಹವೋ?
ಅಯ್ಯೋ!ಧಾತು ಮೇಲೆ 'ವ' ಸೇರ್ಸು
ನನ್ನ ರೂಪ ನೋಡು!||ಯಾರು||
ಯಾರು ಯಾರು ನೀ ಯಾರು?
ಭೂತ ಭವಿಷ್ಯವಲ್ಲ ನೀ ಯಾರು ||2||
ನಾವ್ ನಮ್ಮ ರೂಪ ನಿನ್ಗೆ ತೋರ್ಸಿ ಆಯ್ತು||2||
ನೀ ನಿನ್ನ ರೂಪ ತೋರು||ಯಾರು||
ವರ್ತಮಾನ ನಾನಯ್ಯಾ|
ನಡೆವ ಕ್ರಿಯೆಯ ಹೇಳುವೆನಯ್ಯಾ ||2|
ವರ್ತಮಾನವೋ? ನಡೆವ ಕ್ರಿಯೆಯೋ||2||
ರೂಪವಿಲ್ಲದಾ ದೇಹವೋ?
ಅಯ್ಯೋ! ಧಾತು ಮೇಲೆ 'ಉತ್ತ' ಸೇರ್ಸು
ನೀ ನನ್ನ ರೂಪ ನೋಡು ||ಯಾರು||
ಯಾರು ಎಂಬುದೂ ಗೊತ್ತೇ?
ನಾವ್ ಯಾರು ಎಂಬುದೂ ಗೊತ್ತೇ?||2||
ಭೂತ, ಭವಿಷ್ಯ ವರ್ತಮಾಲ ಕಾಲ ||2||
ಸೂಚಕವು ನಾವು ಗೊತ್ತೇ||ಯಾರು||
No comments:
Post a Comment